Detyrat dhe përgjegjësitë e Departamentit të Tatimit në Pronë janë:

• Bën inspektimin vjetor të komunave për t’u siguruar se tatimi në pronë administrohet në pajtim me ligjin, dhe se komunat mbeten të certifikuara për të mbledhur tatimin;
• Analizon kontratat e shitblerjeve, vlerëson dhe mbledhë të dhënat nga ana e ministrisë që të ndihmohen komunat në administrimin efikas të tatimit në pronë;
• Përkrahë komunat duke monitoruar administrimin e tatimit në pronë;
• Ofron standarde uniforme të vlerësimit për mbarë Kosovën dhe siguron zbatimin e tyre;
• Ofron ndihmë për komunat në përpjekjet e tyre të inkasimit dhe ankesave dhe ofrimi i analizave për të informuar vendimmarrësit;
• Implementon sistemin e ri për menaxhimin e administrimit të tatimit në pronë;
• Përkrahë aktivitetet dhe përgatite komunat e reja për certifikimin e tyre për tatimin në pronë;
• Zhvillon softuerin e tatimit në pronë;
• Vendosë në sistem normat dhe çmimet tatimore, në secilin vit;
• Bën aprovimin e qasjes në sistem;
• Regjistron pagesat në sistem, në formë elektronike;
• Shqyrton kërkesat e ardhura nga organet shpronësuese, për vlerësimin e pronës së paluajtshme objekt i procedurës së shpronësimit;
• Shqyrton kërkesat e ardhura gjatë procesit të vlerësimit të pronës së paluajtshme objekt i procedurës së shpronësimit, nga ana e pronarëve, zotëruesve të interesit, palëve të interesuara (apo personave që veprojnë në emër të tyre) që preken nga procesi i shpronësimit;
• Inspekton pronën e paluajtshme, që është objekt i procedurës së shpronësimit;
• Mbikëqyrë dhe verifikon ligjshmërinë e raporteve të vlerësimit të përgatitura nga ekspertët e jashtëm;
• Bashkëpunon dhe mbledh të dhëna për pronën që është objekt i procedurës së shpronësimit nga autoritet publike apo private,
• Përpilon aktin final të vlerësimit.
• Udhëheqësi i Departamentit për Tatim në Pronë raporton tek Sekretari i Përgjithshëm.
• Në kuadër të këtij Departamenti bëjnë pjesë Divizionet si vijon :
  
  - Divizioni për Vlerësimin e Pronave të Paluajtshme për Shpronësime;
  
  - Divizioni për Inspektim; dhe
  
  - Divizioni për Vlerësim dhe Standarde, Zhvillim dhe Operim të Programit.

Për më shumë informata vizitoni: tatimineprone-rks.org